မ့ၢ်တၢ်လၢပမၤအီၤၣ်ဧါႉ
ယဆုးလီၤယခိၣ်လၢယစုလိၤ ဒီးသါသဖှိထီၣ်ဒီးစံးလီၤယဲလၢ ‘‘ယတသ့ၣ်ညါ‚ မ့ၢ် ယကဘၣ်မၤတၢ်တဖၣ်အံၤ ဒ်လဲၣ်လၢၤဘၣ်’’ႉ လၢကွဲၤဒီနၢ်အပူၤ ယနၢ်ဟူ ယတံၤသကိး အကလုၢ်လၢ‚ ‘‘နကဘၣ်ပာ်ပနီၣ်လီၤက့ၤနသးလၢ တၢ်လၢနမၤကဲထီၣ်တဖၣ်လီၤႉ နမၤတၢ်အါမးလီၤ’’ႉ အ၀ဲယၢၤထီၣ်တၢ်ဖံးတၢ်မၤတဖၣ်လၢ ယဂုာ်ကျဲးစၢးမၤအီၤ သ့ၣ် တဖၣ်လၢ တၢ်ပၢၤဃာ်တၢ်အိၣ်ဆူၣ်အိၣ်ခ@‚ တၢ်ဖံးတၢ်မၤ‚ မၤတၢ်ဂ့ၤဂ့ၤလၢ တၢ်မၤလိတၢ် လၢကိၠဧိၤကီၣ်ဧိၤအကတီၢ်‚ ကွဲးလံာ်ကွဲးလဲၢ်ဒီး ထီၣ်တၢ်မၤလိလံာ်စီဆှံအခါလီၤႉ ယသးအိၣ်မၤတၢ်ကိးမံၤဒဲးလၢ ကစၢ်ယွၤအဂီၢ်‚ ဘၣ်ဆၣ်‚ လၢတၢ်အံၤအလီၢ်‚ ယပညိၣ်ယသးအါတက့ၢ်လၢ တၢ်လၢ ယမၤအီၤ‚ အါန့ၢ်ဒံး ယမၤတၢ်တဖၣ်အံၤဒ်လဲၣ်ႉ မ့တမ့ၢ်‚ ကမ့ၢ်သ့ၣ်သ့ၣ်‚ ယဂုာ်ကျဲးစၢးမၤတၢ်တလၢကွံာ်အခၢးဒၣ်လဲာ်န့ၣ်လီၤႉ
စီၤပီလူး ဒုးပလီၢ်တၢ်အိၣ်ဖှိၣ်လၢ ကလီးစဲးအပူၤလၢ ကဘၣ်မူတၢ်မူလၢ အမၤ လၤကပီၤယွၤလီၤႉ လၢကိးနံၤဒဲးအတၢ်အိၣ်မူအပူၤန့ၣ် ပအိၣ်မူလၢအကျိၤဒ်လဲၣ်န့ၣ် အကါဒိၣ်န့ၢ် ပမၤတၢ်မနုၤလၢ ပတၢ်အိၣ်မူအပူၤန့ၣ်လီၤႉ အ၀ဲသ့ၣ် ကဘၣ်မၤအတၢ်မၤ လၢ ‘‘တၢ်သးကညီၤ‚ တၢ်မၤဂ့ၤတၢ်‚ တၢ်ဆီၣ်လီၤသး‚ တၢ်သးစူၤ‚ တၢ်၀ံသးစူၤ’’ (ကလီးစဲ ၃း၁၂) န့ၣ်လီၤႉ လၢတၢ်ကပျၢ်တၢ်ကမၣ်ဒီး လၢတၢ်ခဲလၢာ်အဖီခိၣ်‚…
နဘၣ်တၢ်ကတဲာ်ကတီၤနၤ လံဧါႉ
ယမၤတၢ်လၢတၢ်အီၣ်အကျး ခံနံၣ်ဘျဲၣ် ဖဲယထီၣ်တီၤထီကၠိအခါန့ၣ်လီၤႉ တၢ်မၤအံၤ အတၢ်အိၣ်ဖျါန့ၣ်ကီခဲ၀ဲလီၤႉ ပှၤဟဲအီၣ်တၢ်တဖၣ် ကတိၤတၢ်လၢတၢ်သးဒိၣ် ဖဲယတမၤ ဘၣ်ဆၣ်ယဘၣ်ဃ့ကညး လၢတၢ်နုၢ်ထံလီၤသကၤလၢတအဲၣ်ဒိး၀ဲ လၢအကိၣ် အဖီခိၣ် အဃိန့ၣ်လီၤႉ ဖဲယထွးထီၣ်တၢ်မၤ ၀ံၤအလီၢ်ခံ‚ ယတီၢ်ထီၣ်တၢ်မၤလၢ ခီၣ်ဖၠူထၢၣ် တၢ်မၤလၢ ယခီလ့ၣ်ကၠိန့ၣ်လီၤႉ ပှၤလၢအကဒိးလဲယၤတဖၣ် န့ၣ် အသးစဲ လၢယတၢ်ဖံးတၢ်မၤအတၢ်လဲၤခီဖျိ လၢတၢ်အီၣ် အကျး အါန့ၢ်ဒံးယတၢ်သ့တၢ်ဘၣ် လၢခီၣ်ဖၠူထၢၣ် တကပၤ န့ၣ်လီၤႉ အ၀ဲသ့ၣ်အဲၣ်ဒိးသ့ၣ်ညါ လၢယသ့ၣ်ညါရၠာစး့ဒီးပှၤဂၤ န့ၣ်လီၤႉ ယတၢ်လဲၤခီဖျိ လၢတၢ်မၤအသးတမုာ်တလၤ တဖၣ်အံၤ ကတဲာ်ကတီၤယၤ လၢတၢ်မၤဂ့ၤန့ၢ်တၢ်အံၤ အဂီၢ်န့ၣ်လီၤႉ
စီၤဒၤ၀ံးဖိအိၣ်ဒီးတၢ်သူၣ်စူၤသးစူၤ လၢတၢ်လဲၤခီဖိျ တဖၣ်လၢ ပကိးအီၤသ့လၢ တမုာ်တလၤတဖၣ်န့ၣ်လီၤႉ ဖဲပှၤအံၣ်စရၠာစး့လးဖိတဖၣ် ဘၣ်တၢ်တၤအီၤ လၢကဆှၢလီၤ ပှၤတဂၤ လၢကဒုးတၢ်ဒီးစီၤကၤလယးအခါ‚ မတၤတဂၤမး တဒူလၢ ကဆၢထၢၣ်ဒီးမၤတၢ်မၤအံၤဘၣ်ႉ ဘၣ်ဆၣ် စီၤဒၤ၀ံးမၤ၀ဲလီၤႉ စီၤပၤစီၤစီလူးအသးဃၢလၢကဆှၢထီၣ် စီၤဒၤ၀ံး ဒ်သိးကဒုးတၢ် ဘၣ်ဆၣ် သနာ်က့ စီၤဒၤ၀ံးတဲနၢ်ပၢၢ်လၢဒ်အ၀ဲမ့ၢ်ပှၤကွၢ်သိတဂၤအသိး အ၀ဲဘၣ်ဒုးတၢ်ဒီး…